Jotjot hu rimangi dainang
Hu tatap dompak hasundutan dung ro angka sibalik hunik i.
Tarsingot ahu di sude angka parsorion
Dohot angka poda mi tu hami angka ianakhon mu.
Dung saonnari tung dao situtu do ahu da inang sian adopan mi
Mansai lungun rohangki marnida bohi mi dainang hu.
Sai hu husiphon do tu alogo I, asa dipahasat jolo lungun hon
Anggiat boi nian ditangihon ho sude arsak na di roha hon.
Jotjot manetek ilu sian simalolong hi dainang hu,
Tarsingot ahu sude diangka hapogoson mi
Alai aha da inang na tau sipatupaon ni anakhon mon,
So tammat dope sikkolaki, so tarpatupa ahu dope manang aha dainang hu.
Tangiangkon ma dainang, anggiat tupa dibahen Tuhan i
Asi roha ni Debata, dipatudu dalan tu ianakhon mon.
Tangiangkon ahu dainang, hatop manang leleng,
Mulak do ahu mandulo dainang nang dohot damang
Di huta hatubuan hi.
Semarang, 24 Agustus 2011
Pengelana dari Barat
BACA JUGA :
- PENGELANA DARI BARAT RESES
- CINTA DALAM HATI
- PERANG
- ANDUNG NI SI DOLI PARJALANG
- SEPTEMBER
- SOSOK TANPA NAMA
- PERTARUNGAN HATI
- GALAU..!!!!
- MALUNGUN TU DAINANG
- JALAN PULANG
